'T Puupke - Foeksewild (Sjlager 2023-2024)

Couplet 1:

‘T is Vastelaovend kiek wie lekker knats-je-vol, 
Gezellig al die bonte kleuëre oet de bol
D’r prins vuuërop mit scepter, sjtieëk  en vaer
De raod van ellef sjoenkelt lekker heen en waer ! 

Mer dan oppins vluug dao get vuuërbie
Odeur va friet, pils, bitterbal d’r bie
(meh non-de-pie)

Refrein:
Wae-haat-dat puupke laote gaon? 
Meh jong wae haat dat noe gedaon?!
Wae haat d’r inne laote vlege?
Och nae, dao kin ich ech neet taege
Wae haat dat puupke laote gaon?
Wae haat dat noe gedaon?!

Couplet 2:
De polonaise waert zoe ‘nne ganse toer
’t is neet oet te hauwe mer vier motte doer
Noe zuug toch al die braggelaere stjaon
Waem va die batterave haat zich laote gaon
Want wae waor dae sjtoute deugeneet
Dae dat puupke camoufleerde mit ’n leed?
(Jeh ich waor het neet)

Brug:
Missjiens waor ’t  d’r Dustin dae sjtaet hieël diks op “Sjpringe!”
Of die va “Twie Bieeein“ die  “Laot mer weije”  sjtaon te zinge
Missjiens waor ’t d’r Wielly of ziene kleine Dean
Of toch ziene Hoeëglustigheid leet dae ‘m da missjien?
Of waor ’t  Jean of eine va zien vrung 
’T CCH missjiens  emes va hun? 

Sprekend:
Ich kin uch ein  dingk  garandere
‘T is om  Foeksewild va te waere

Aanvulling laatste refrein:
Ich blief hie ech neet sjtaon…..!
Vier motte wieër gaon…..

Einde:
Gelukkig is ’t  euëveral bekind
’n Breuker puupke is baeter
Es ‘nne Heëlesje wind!