Proclamatie Niels I Sjtadsprins va Gebrook 2019

Vier Prins Niels d’r Ieëjste, Sjtadsprins van Gebrook bie de grasie van d’r Wieze Road, Graaf uëver alle Kesjtieëluule, ulinnekes en uulskukes, Markies uëver Groeët Gebrook van Lotbrook en Uëverbrook pis aa de Passart en van ’t Kesjtieël pis bienao Austroa, Hertog uëver alle gebreuker en Gebreukerinnekes die same mit mich en ’t CCH va Gebrook ’n richtige narresjtad gónt make,

Proklamere de noe volgende elf raegels:

Ten elfde:

Ut hoeëge woeërd is d’r oet, eindelik maog ich ‘t van de daken sjriewe, hiej sjteit vuuër uch d’r gruëtsje viefenvieftigste Sjtadsprins va ’t CCH.

Ten tieënde:

Ich wil natuurlik Eline, mien pap Frans, miene mam Marlies en de rest va de femilie bedanke dat zie mich de kans gaeve om miene druim, Sjtadsprins va Gebrook, oet te loate komme. Veur os is de veurpret al maonde ieërder begonne.

Ten nuëgende:

Vanaaf dees plaatsj wil ich aoch Guy bedanke vuuër zien geweldige prinsejaor. Hae geit mich begeleide es adjudant, mer vanaaf noe sjtaon ich vuuër uch klaor.

Ten achste:

Natuurlijk wil ich aoch alle vrijwilligers bedanke die de Breuker Vastelaovend ein werm hart toe drage. Va de hoesseerders en de wagenbouwers pis ‘t optochkomitee en de Vriendenkring. jieëkerinne draegt zien sjteintje bie aa dees sjoeëne vastelaovend mit zien aege ding.

Ten zieëvende:

Aoch wil ich sjtil sjtaon bie alle luuj die os helaas dit jaor zin ontvalle en die vier zint kwietgerak, aoch vuuër hun zal ich zurge dat ich d’r inne sjoeëne vastelaovend van mak.

Ten zusde:

Vastelaovend viere daon ich va kleins af aa, begos langs d’r optoch i de kingerwagen, de playbackshow’s op sjoeël, mit doon mit ut leedjeskonkoer en ‘t laope van de optochte. Dit jaor goesj ich mich mit uch in alle bochte.

Ten viefde

Es opticien bie Eye Wish zeen ich dalik vanaaf d’r prinsewagen al die sjoeën kluëre en de sjpas va de luuj in jieëkere boch, mer brillen en contactlenzen waere d’r mit de drie dol daag ff neet mieër verkoch.

Ten veerde:

De tuën van Xam klinke va ut Kesjtieël pis Amicitia en mit d’r optoch doeër alle sjtraote. jieëkerinne zingt, sjpringt en danst dan mit mich gans oetgelaote.

Ten driejde: Oetgeraope in ‘t Sjeufkes Sjokolaad Febriek sjpel , trik ich doeër de sjtraote en gaon ich langs alle sjoeële, op de tuën van d’r Breuker blaoskapel.

Ten twieëde:

Dankzij ’t CCH en hunne wieze raod, gaon ich dees vastelaovend mit sjtieëk en veere vuërop. Onger de klanke van os hermenie in d’r optoch geit mien gelök va Gebrook nao de hoeëgste top.

Ten ieërsjte:

Vastelaovesvierders van os leef Gebrook, wat mich betruf kint d’r vastelaovend in os Breuker Paradies noe toch ech beginne. Mit mien motto: ’t gelök va Gebrook vier ich dit jaor es Sjtadsprins Niels d’r Ieëjste de vastelaovend i jieëker hook.

Gegaeven i Gebrook, 11 jannewari 2020. Sjtadsprins Niels d’r Ieësjte, biejgesjtange doer prizedent Ton en ziene Wieze Raod van ’t Vastelaovesriek Gebrook.