In memoriam: Piet Boonstra
“ ‘ne Moelemaeker va Gebrook haat ’t Breuker paradies verlaote!”
Vier zint verdreetig en aagesjlage doer ’t sjterve va
Piet Boonstra
Drager va de Bronzen legpenning va ‘t CCH
Drager va de Goude Narrekap va de Samenwerkende Limburgse Vastelaovesvereiniginge
Piet waor in de beginjaore va ‘t CCH jaore lang d’r Moelemaeker va ‘t CCH.
Hae waor zien ganse laeve langk betrokke biej Gebrook en d’r vastelaovend va Gebrook. Hae makde ontelbare leedjes, onger angere os Breuker volksleed “Gebrook du bis os Paradies” en waor betrokke biej de twieë LP’s va Gebrook.
Ziene humor zörgde vuuër väöl hilarische momente. Aoch es optochdaelnummer wist Piet de juuste sjnaor te rake. Hae waor i gans Limburg en dao boete bekant van ’t Duo Oetgesjlaope.
Vier zint Piet vuuër alles wat hae vuuër os en de Breuker vastelaovend haat betaekend hieël väöl dank versjuldigd.
