Doezend daag en nachte

Couplet:
Is vastelaovend, tsju wat bin ich blie
Sjpas en plezeer is euëveral!
’T Kriebelt, ’t wiebelt, ’t razelt in mien prie
Van sjaele zaever , sjtomme kal….
Ich bin dich aan’t zeuke, woeë hingste noe toch rond?
Du maks miene vastelaovend aaf
Dien oge, dien haore, dae lach op diene mond
Kom bie mich dan rope vier alaaf!

Refrein:
Kin neet mieë wachte
Bin i gedachte
Al bie dich doezend daag en nachte
Wil mit dich zinge
Wil mit dich sjpringe
Wil dich mien laeve noeëjts mieë kwiet
Wil mit dich danse
Wil mit dich sjanse
In dizze vasteloavestied
Wil mit dich foem’le
Wil mit dich poem’le
Wil bie dich zin d’r ganse tied!

Couplet:
’T is vastelaovend en ich bin d’r bie
Sjpas en plezeer hingt in de loch
’t sjatert, ’t klatert, mit dich aan mien zie
En daovan krieg ich gein genog
Gaon same genete, jao dat is pas sjiek
Du maks miene vastelaovend aaf
Dien oge, dien haore, dat is toch magnefiek
Kom bie mich dan rope vier alaaf!